أخبار عاجلة
الرئيسية / الثقافة / ” هذي السعوديه بلاد الحرمين .. من دونها سلمان جود حزامه ” للشاعر عبدالله بن حبيش

” هذي السعوديه بلاد الحرمين .. من دونها سلمان جود حزامه ” للشاعر عبدالله بن حبيش

هذا الزمان مدري مروح على وين
ما عاد ندري من عليه الملامه

بعض البشر كنه مدير الدواوين
ويقول انا اشعر من ابو دلامه

هرجه مصوب مثل رمي النياشين
تحس دخلاته عليها علامه

يتجاهل الطيب مركز على الشين
ويرمي على كل اتجاه اتهامه

والبعض متستر ورا هيبة الدين
ينفث سمومه في حلاوة كلامه

والبعض مايدري على وين ماشين
راسه منكس مثل راس النعامه

واهل القلوب الراديه والمعادين
اللي بلا مبداء وبليا شهامه

عقولهم لعبت عليها الشياطين
واكبر شنب فيهم بيكسر مقامه

هذي السعوديه بلاد الحرمين 
من دونها سلمان جود حزامه

والشعب تحت امره جنوداً مطيعين
لشر بكفه جوه مثل الغمامه

في اعناقهم بيعه وبالعهد وافين
جيلاً ورا جيلاً ليوم القيامه

الله يديم ال السعود الميامين
وان غاب سيد قام سيد مقامه

الشاعر عبدالله بن حبيش

عن صحيفة التحلية

صحيفة التحلية : هي صحيفة سعودية بطعم الوطن تنقل إليكم الخبر بكل مصداقية عبر كوكبة من الإعلاميين
x

‎قد يُعجبك أيضاً

منصة رحلتي تحقق المرتبة الأولى في تحدي عرب نت للشركات الناشئة

التحلية نيوز – رشاد اسكندراني حققت منصة رحلتي المرتبة الأولى في تحدي عرب نت للشركات ...

Snapchat
Whatsapp