أخبار عاجلة
الرئيسية / الثقافة / ” هذي السعوديه بلاد الحرمين .. من دونها سلمان جود حزامه ” للشاعر عبدالله بن حبيش

” هذي السعوديه بلاد الحرمين .. من دونها سلمان جود حزامه ” للشاعر عبدالله بن حبيش

هذا الزمان مدري مروح على وين
ما عاد ندري من عليه الملامه

بعض البشر كنه مدير الدواوين
ويقول انا اشعر من ابو دلامه

هرجه مصوب مثل رمي النياشين
تحس دخلاته عليها علامه

يتجاهل الطيب مركز على الشين
ويرمي على كل اتجاه اتهامه

والبعض متستر ورا هيبة الدين
ينفث سمومه في حلاوة كلامه

والبعض مايدري على وين ماشين
راسه منكس مثل راس النعامه

واهل القلوب الراديه والمعادين
اللي بلا مبداء وبليا شهامه

عقولهم لعبت عليها الشياطين
واكبر شنب فيهم بيكسر مقامه

هذي السعوديه بلاد الحرمين 
من دونها سلمان جود حزامه

والشعب تحت امره جنوداً مطيعين
لشر بكفه جوه مثل الغمامه

في اعناقهم بيعه وبالعهد وافين
جيلاً ورا جيلاً ليوم القيامه

الله يديم ال السعود الميامين
وان غاب سيد قام سيد مقامه

الشاعر عبدالله بن حبيش

أعجبك المقال؟ شاركه الآن!

عن الإدارة رقم 2

x

‎قد يُعجبك أيضاً

مكتبة الملك فهد العامة تقيم اللقاء التدريبي للتعامل مع أطفال التوحد

Share this on WhatsAppالتحليه نيوز – عهود الزهراني أقامت مكتبة الملك فهد العامة بجدة اللقاء ...